नयाँ बर्ष २०६८ कस्तो रहनेछ?

रामहरी शास्त्री २०६८ सालको बार्षिक राशिफल नयाँ बर्ष २०६८ को प्रारम्भ गुरुवारबाट भएको हुनाले समग्रमा बर्ष शुभ फल प्रदायक हुनेछ। यो बर्षको लागि राजा चन्द्रमा  र मन्त्री बृहस्पति रहने भएकाले उनीहरुको प्रभावले शान्तिको आवाज विश्वभर उठ्नेछ। यद्यपि क्रोधन संवत्सरको प्रभाबले अशान्ति तथा हिंसात्मक कार्यहरु बढ्नेछन्।राजनैतिक रुपले विश्वमा आमूल परिवर्तन हुनेछन्। नेपालको राशी अनुसार यो बर्ष पनि राजनैतिक अस्थिरता कायम रहनेछ। राजनैतिक दलहरुबीच ब्यापक ध्रुविकरण बढ्नेछ।राजनैतिक एवं प्रशासनिक क्षेत्रका विकृति विसंगतिहरु देखिने छन्।  बर्ष प्रारम्भ लग्न विश्लेषण अनुसार पापमूलक तथा दमनकारी नीति लागू हँदै जाने छ। यो बर्षको मध्यतिर आतङ्ककारी आक्रमणहरु हुनसक्छन् यसबाट अमेरीका, फ्रान्स  तथा मध्य पूर्वका देशहरु प्रभावित हुनेछन्।

राजनैतिक रुपले चीन तथा भारतमा सम्याहरु उत्पन्न हुनेछन्।चीन तथा ब्राजिलमा भुकम्प तथा बाढीको समस्या आउनेछ। विश्व बजारमा तेलको आपुर्ति कम हुनेछ जसले तेलको मुल्य अधिकतम विन्दुमा पुग्नेछ। यो बर्ष खाद्य पदार्थको संकट भने हुनेछैन।बेरोजगारीको समस्या बढ्नेछ तर विकासोन्मुख देशहरुले यसलाई सन्तुलित विन्दुमा राख्न सक्षम हुनेछन्। यूरोप तथा अमेरीकी देशहरुमा आप्रवासको दर बढ्नेछ। खाडि क्षेत्रमा कार्यरत एशियालीहरुको  लागि यो बर्ष अझै कठिन बन्नेछ।